Міністэрству культуры Рэспублікі Беларусь не дасылаюць ідэі фільмаў, прысьвечаныя праўладнаму погляду на 2020 год, піша тэлеграм-канал «Сьвяшчэнны Белавуд».
У канцы мінулага году дзяржаўнае ведамства, якое ўзначаліла чыноўніца Ірына Дрыга, распачало пошук сцэнароў для кінавытворчасьці, у тым ліку з дапамогай дзяржаўнай тэлевізіі. Вытворцам, у тым ліку беларускім, прапаноўвалі супрацу ў абмен на грошы, славу, посьпех, адзначае канал.
За апошнія чатыры месяцы ў міністэрства даслалі 280 заявак з розных краін сьвету. Пра гэта ў ток-шоў «Яшчэ ня вечар» распавяла Крысьціна Мельнікава, намесьніца кіраўніцы аддзелу кінематаграфіі Міністэрства культуры.
Кінематаграфісты дасылалі праекты ў фантазійным і камэдыйным жанрах. Сынопсісаў фільмаў з палітычным зьместам — пра 2020 год з пункту гледжаньня ўладаў, пра подзьвіг настаўнікаў і сілавікоў — так і не зьявіліся.
Пры гэтым Мельнікава не губляе надзеі, што такія праекты яшчэ зьявяцца, і са свайго боку запрасіла дзяржаўныя тэлеканалы супрацоўнічаць з нацыянальнай студыяй над «сэрыялам пра 2020 год ці іншым праектам на патрэбную дзяржаве тэму».
Форум